1228. o. T. Oppeln.

Herzog Kasimir verlegt das von seiner Mutter Ludmilla in Rybnik gestiftete Nonnenkloster nach Czarnowanz, bestätigt seine Besitzungen und Freiheiten und vermehrt dieselben.

In Nomine Patris et Filii et Spiritus Sancti Amen. Nos Kazimirus dei gracia dux Opoliensis filius ducis Meseconis condam bone memorie, notum facimus universis tam presentibus quam futuris, quod ex instinctu dei pro remedio nostrorum peccaminum, ac salute animarum nostrorum predecessorum, Claustrum predicti conventus quod antea per dominam Ludimillam pie recordacionis matrem nostram in Rybnik fuerat fundatum, de peticione et consensu sepedicti conventus in Bosidom transierentes, omnes donaciones tam in hereditatibus, quam in libertatibus iam sepefate domui factas, nostras quoque hiis super addentes de baronum nostrorum consilio confirmavimus. Primum ipsum Rybnik pro Charnowz commutantes, exceptis tabernis et capella cum sorte sua in Faleuich que pro suis usibus detinuerunt, Scorogostou Most quoque cum suis omnibus proventibus, Ksennyche, Krauar, Wroblino, Bedrchouici, Walchi, Groholuba, Straduna, Susela, Brosci, Raduna, Selazna, Dobren, Dzelnicza, Grudina, Lascouci, Ozriscu, Puncou, Radoseuici, Nedobcici, Dzelconem cum suis sortibus et molendino, et Lgotam que vocatur Manec. Istas omnes villas supradictas tam a nobis quam a nostris predecessoribus seu baronibus collatas, placuit nobis de nostra mera liberalitate cum pleno iure nostri dominii perpetua libertate donare, ita quod homines sub iurisdiccione eorum in predictis villis manentes a nemine penitus provocentur vel iudicentur nisi tantum a preposito domus, vel si causa talis fuerit vel excessus, coram ipso duce provocati stare tenebuntur responsuri, ita tamen quod ibi iudicatum fuerit omnis penalis solucio domui cedet racione iuris dominii. Item excepimus sepe nominatos homines ipsorum ab omni servitute iuris Polonici ut est Stan. Strosa, Pouoz, Prewod qualecumque, Bobrounici, Psare. Ad castra eciam edificanda sive reparanda seu alias municiones construendas ire non tenebuntur. Ab omni quoque expedicione eos absolvimus, excepto eo dumtaxat si forte exercitus subitus super terram nostram ocupandam quod absit ingrueret. Ut autem hec nostra donacio per presens scriptum robur obtineat firmitatis, hanc paginam ne ab aliquo quocumque modo posset violari, sigilli nostri munimine eandem fecimus roborari. Subscribentes nomina testium qui nostre huic donacioni et ordinacioni presentes fuerunt, videlicet dominus Sebastianus cancellarius, comites Nachezlawus, Wernerus, Johannes Clementis, Sbrozlawus, Sdezlawus, Jakzo, Stredz, Petrus, Laurencius, Gozslawus, Johannes de Rudno, Johannes Sibochic et alii quam plures. Acta autem sunt hec in Opol, anno ab Incarnacione Domini M°. CC°.X°X°. VIII.

Aus der Bestätigung von 1260.
Böhme, Diplom. Beiträge I, 7. Hugo I, 479. Daraus Boczek, Cod. D. Mor. II, 205.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.